oprenzipet

This WordPress.com site is the bee's knees

Archivar para el mes “julio, 2009”

Cabo de semana. Balanze.

Pensaba que finalmén fería un cabo de semana quedo, beyendo a ra siñora Madonna n´a feria muestras, renunziando a Lagata… pero no! A la fin, fize tot, o biernes enta Lagata, a desfrutar d´a redolada d´acampada, o sabado dica ra tardi a o pozo d´os chorros de Belchite y a ra nuei dica Zaragoza ta beyer a la Madonna que n´o escomenzipio no me feba muito goyo, ye berdat que remeré Jah´sta más d´una begada mientres i beyeba a ra reina d´o pop, pero ye esclatero que ista ye una cosa que cal fer anque siga una begada n´a bida.

O espeutaculo ye grán y mui bien implementau; ye asinas como estar beyendo un bideoclip en direuto. L´unico malo estió o publico que yera una mica acotolau o cualcosa y no bi eba gota d´ambién án yo yera, a bels bente metros d´o eszenario… manimenos, adebán bi eba buena borina y estió lo que salbó a nuei.

Cal dizir que ista siñora ye una grán treballadora… encara que o publico siga concarau.

Y dimpués d´o conzierto enta Lagata, que si una biera astí, merca-te unos pegallos d´a enrestida allá… Que cal dizir d´ixe poliu lugar? Nomás  que soi contando os diyas que mancan ta ra siguién edizión!

Salut y a plantar fuerte!

Cal remerar-lo: Lagata Vajunto´09

Fa bels meses que bos dizié en unatro post ixo d´o festibal Lagata Vajunto; dica la zaguera semana iba seguro pero puestar que a la fin no en siga fesable, ye lo que tién as relazions de parella: Puta Madonna, puto heraldo y as suyas dentradas a 21 euros…

Entonzes dizeba isto: “Manimenos que restan cuatro meses ta un d´os millores cabos de semana d´o año, estiaño o festibal reggae d´Aragón, o LagataVajunto´09, se´n ferá o cabo de semana d´o 24  y 25 de chulio. Puestar que coinzida con o “PirineosSur” pero no en tien contimparanza… Amana-os ta Lagata! L´ambiente, a chén, o lugar, as pozas en Belchite… buffff. Entalto Lagata!

Aun no ye trancau o cartel, puestar que no siga nián ubierto pero saper que se´n fará… ya ye prou si beyes que, por exemplo, o summercase y festibals asinas, estiaño son canzelaus“.

Agora o cartel ye trancau y ye una mica masiau profesionalizau, a yo, que soi un reggae-man de tirzera u cuatrena categoria no me fa muito goyo que siga tan hardcore pero ixo no ye prou importán, lo millor ye l´ambién d´a redolada d´acampada.

Os pencho o link (fp.giffp.gifhttp://www.lagatavajunto.es/) y unas fotos d´o festibal de l´ añada pasata ta os que no ro conoxcan:

 

cartel2009_lagata.jpg

 

fp.gif

1217368918900_f.jpg

Entalto Lagata!!!

 

 

Parexidos razonables

Os dos son presidéns. Os dos son bien pinchos. A ros dos les clarea el cartón. Os dos intentan de creyar n´as suyas respeutibas arias d´influyenzia o suyo Beirut particular. Un ye mayorista, no escarra pescado. Con toz bustez:

antonio-recio.jpg
lamban.jpg
Puestar que ista no siga a foto n´a que más parellanos son pero cada begada que beigo a Antonio Recio n´a TB me parixe que´n dirá bella cosa d´a DPZ o d´o Cuatreno espazio…

26 Cumplañadas

pbf032-todays_my_birthday.gif

No´n creyeba que lebaria tan malamén as 26 añadas pero ixo tamién fa que güe siga o millor diya ta puyar ista imachen y a encusa ta poner o enrastre a “The Perry Bible FellowShip” . Ista pachina puestar que siga a pachina más SKUB que conoxco. O puestar que siga a menos SKUB. Ya me´n direz cuán acabez con ella.

Yes “cool”?

Dimpues d´unas esmerixidas bacanzas que incluyoron totas ixas cosas que unas esmerixidas bacanzas calen tener astí soi ta sitiar- me.

O nueu bideo que toz presento ye feito por dos estudiáns que ganaron un concurso d´anunzios ta ra chen de HP invent y contrimuestra ese nuevo nicho que o mercau ha trobau ta fer millores anunzios y de baldes. Se fan produtos “cool” y a chen se mata ta fer-les publicidat; ixo mesmo pasa con as aplicaciones ta l´iPhone, ta ros mobiles con Android…

Yes cool, puez fer-lo tot aprobeitando-te d´a chen de buena boluntá.

 O bideo d´o diya ye iste: 

Navegador de artículos