oprenzipet

This WordPress.com site is the bee's knees

Archivar para el mes “abril, 2010”

I Concurso de relatos n´aragones (ta alumnos)

Se fa o I Concurso de Relatos ta alumnos d´aragonés “Nieus Luzia Dueso Lascorz”. Cal estar fendo-ie bel curset d´aragonés pero a iniciativa ye prou buena y me faría goyo de participar pero o diya que se´n dan os premios no soi en Zaragoza, jejej… Ya veyeré que foi!

Astí os alazez d´o concurso:

 

I CONCURSO DE RELATOS TA ALUMNOS D’ARAGONÉS

“Nieus Luzía Dueso Lascorz”

  1. Podran participar-ie totz os alumnos d’as diferents escuelas d’aragonés, independientement d’a edat, presentando cada participant solo que una obra.

  2. As obras seran escritas en luenga aragonesa, de tema libre, ineditas, con una extension maxima de 2 fuellas en formato A4, a dople espacio (mena de letra Times New Roman, cuerpo 12).

  3. A presentacion d’as obras se fera a travies de correu electronico, a la adreza relatos.alunnos@gmail.com. O mensache habra d’adchuntar dos archivos:

– Primer archivo: A obra en formato Word, seguntes s’indica en o punto 2º d’istas bases y titulau con un lema.

– Segundo archivo: Un documento en formato Word baixo lo nombre de plica y lema d’a obra, y que contenga os datos de l’autor/a: Nombre, apellius, adreza, e-mail, telefono de contacto, NIF u pasaporte, curso, escuela y nombre d’o mayestro que le da as clases.

  1. O plazo d’admision de treballos rematara o 8 de mayo a las 23.59 horas (GMT + 1).

  2. S’estableixen os premios siguients:

-1º premio: lote de libros en aragones y diploma.

-2º premio: lote de libros en aragones y diploma.

  1. O churau sera formau por personas relacionadas con o mundo d’a luenga aragonesa, representants d’asociacions culturals y mayestros d’aragones. Pararan cuenta en a creyatividat y en a tecnica, emitindo a suya decision inapelable en reunion secreta fendo-la publica o 15 de mayo de 2010 con motivo d’o “Día de l’amostranza en aragonés”.

  2. En l’acto organizau ta la entrega de premios se leyeran os treballos premiaus, estando condicion indispensable ta tener dreito a o premio, estar present en dito acto u representau por bella persona debidament autorizada.

  3. O churau podra declarar desierto bell uno d’os premios, si a o suyo pareixer os treballos presentaus no tenesen a calidat minima que cal.

  4. As obras participants premiadas quedaran en propiedat d’as asociacions organizaderas, qui podran fer uso d’as mismas y d’as que triguen, d’entre todas as presentadas, por o suyo intrés u a suya calidat literaria, como creiga convenient, incluyida a publicacion d’as mesmas.

  5. A participacion en iste concurso suposa l’acceptacion de totz os regles de participacion, igual como d’a interpretacion que d’istos faiga o churau.

Metodo alazetal ta votar

Bi ha muitas candidaturas ta votar pero creigo que bi ha un metodo bien simplo ta estajar morralla y sitiar-se con os millores:

NO VOTETZ IXA CHENT CON LA QUE NIÁN FERBATZ UNAS BIERAS!

Bella vegada m´entibocaré pero tién un 99% d´encierto, hi mirau de fer-lo con os candidatos d´o mio lugar, con os d´a redolada, con os d´Aragón, encluso con Rajoy y Zapatero! y quasi perén o resultau ye o mesmo… Debinatz qual?

Dos menutos quedos

Como se´n dice cuan te fas bel blog en nireblog “ye fazil y de baldes”. Ye facil y de baldes criticar a Israel. Creigo que a suya traza de fer as cosas con os palestins contrimuestra un grau d´esquizofrenia por a suya parti y antimás dixa facil a os suyos no-amigos criticar-los, al votar mayoritariament por partius radicals no fan cosa t´ amillorar a situación. Fan grans empentatas contra os territorios ocupaus, cuan ye menester  prochectan d´ixos famosos “asentamientos” y dillá bi ha una traza de garchola con quasi dos millions de presonas clamata “Franja de Gaza”. Puestar fesable que faigan ixas barbaridaz t´os palestins mas que mas cuán o pueblo judigo i ha estau un pueblo muit sufridor n´a suya (y a nuestra) historia?? Ixo ye, no trobo atra, u sindrome d´estocolmo u esquizofrenia coleutiva… o direutament bella variedat d´alzheimer que faga que s´ixubliden de tot o suyo mal d´os sieglos pasaus. Bel psicologo n´a sala?

Simpatizo con os dos y repleco que ta Israel a seguranza d´ellos s´ha tornau alazetal y no´n quieren bombas n´o suyo puesto pero bi ha termín meyo y fan que siga cosa dificil d´esfender- los cuán cal fer-ne.

Toz os anyos, ta remerar a “Shoah”, l´holocausto a mans d´os nazis, se fan dos menutos de silencio en tot o país y a verdat ye qu´está impresinant. Si se fese astí cal imaxinar dende os funcionarios que fan dos horadas quedos enta o barfulaire que se china en metá d´o trafico y mira de continar conduciendo levandose belún entabán.

Iste anyo estió o 12 d´abril y l´anyada zaguera se grabó ista cinta. (Menuto 1:20)

Pixeliza-te-ne

L´autor d´a cinta ye Patrick Jean , o direutor de fotografia ye Matias Boucard y a mosica “L.A. Trumpets” ye de “Naive New Beaters”.

Cal reconoxer qu´en Francia son desembolicando un luengache mesmo n´isto d´as nuebas tecnologias y o luengache visual emplegau; cuan veyes bel video ascape sabes que ye francés (n´o sentiu bueno d´a parola).

Navegador de artículos