oprenzipet

This WordPress.com site is the bee's knees

Archivar para el mes “marzo, 2011”

Flexita-que?

Flexitariano? Ixe ye o zaguero termino -y reyalment tamién o primero  qu´ascuito- que he trobau ta definir a traza de minchar que más me cuaca, alazetalment ye baixar o consumo de carns u pescaus a o minimo amenistable u, simplement, o que a muita chent le fa goyo: minchar prencipalment vechetals y quan i toca, tamién, bels produtos animals. Astí, n´o “Comidista“, uno d´os blogs d´o País contrimostran un poquet que ye isto d´o flexitarianismo.

Dende fa bels meses soi mirando de puyar os porcentaches de vechetals n´a mia dieta porque, solo que durante una semana mires de no minchar carn ya treballas millor, dende a capeza dica os pies. Bi ha chent que tindrá sindrome d´abstinencia, ye normal, pero creigo que o camín enta o flexitarianismo no ye duro, creigo que ye tornar a la dieta d´os nuestros pais u lolos, a la dieta reyal d´os humanos, onnivora, no carnivora como i ye hue. Iste blog puestar un empiece:  Flexitariano.org

Bell un vegán talibán me´n dirá que ye pior que minchar solo que carn porque nian fredo ni calor pero creigo que ye o más zereño porque asinas no cal prener complements de vitaminas u cosa y o enanto de combertir-se ye asaber-lo facil. Pos ixo, y nunca millor dito: Salut!

Navegador de artículos